By - Pastor Go Sian Tuang(Sia Sian)
Verse 1
Ka nuntakna Nang aa Na khutsung nong kem
Cingtak lopi mah itna tawh nong sam hi
A mawh pen te na ngawn
Na itna ang Nong hong
Na hehpihna nisim Nong pia hi
Pre-Chorus
Topa aw Nangma' it tham ding in
Kei in bang hi lel ka hiam?
Kei nong itna ka lungngaih sial in
Lungdamna khitui te'n Nang hong phat zel
Chorus
Mong neilo itna hong tuam it den pen
Nang lungtang sungah kei Nong koih zo
Ka hoihna khat ha'ng zong kihel lo
Itna Pasian Na hih man hi zaw
Bei thei lo itna hong lainat den pen
Na anglum sungah Nong pom cip zo
Nang lo muandang nei ke'ng To Zeisu
Ka it pen Nang Na hi
Ka Ngaih pen Nang bek Na hi
Verse2
Ka dik tatna Nang ha'ng mawhna maisak Pa
It bang lo pi mah Nong itna Nong lakkhia
Ka sianthona Na hi ka nuntakna bulpi
Ka lam etna Nang kiang pan bek hi
Bridge
Mailam bang piang ding thei keng
A hih hang kei patau keng
Mai lam hun a nei Pa ka neih nung sa'ng
Ama'n hong nusia ngei lo
Amah kamciam pel ngeilo
Ama aa ka hi zo
Comments
Post a Comment